९० दिवसांच्या चॅलेंजमधील माझे परिणाम:
एचबीएवनसी: ६.७% → ६.४%
वजन: ७८.० किलो → ७६.५ किलो
उपाशीपोटी इन्सुलिन: ११.६० → ३.७३ मायक्रोआययू/मिली
कंबरेचा घेर: ९० सेंटीमीटर → ८९ सेंटीमीटर
नोंदवलेल्या कालावधीत माझे वजन, एचबीएवनसी, उपाशीपोटी इन्सुलिन आणि कंबरेचा घेर यांमध्ये घट झाल्याचे या परिणामांवरून दिसून येते.
मला मिळालेली सर्वांत मोठी शिकवण:
या प्रवासात मला मिळालेली सर्वांत महत्त्वाची शिकवण म्हणजे खाण्याची अनावर इच्छा नियंत्रित करणे आणि दिवसातून फक्त दोन वेळा जेवण्याची शिस्त अंगीकारणे.
या अनुभवामुळे मधुमेहाचे व्यवस्थापन करण्यासाठी आणि एकूण आरोग्य सुधारण्यासाठी सातत्य, आत्मशिस्त आणि आरोग्यदायी जीवनशैलीच्या सवयी किती महत्त्वाच्या आहेत, हे मला समजले.
सर्वांसाठी माझा संदेश:
शिस्त, सातत्य आणि योग्य मार्गदर्शन यांच्या मदतीने आरोग्यामध्ये लक्षणीय सुधारणा घडवून आणणे शक्य आहे. आपल्या आरोग्यसुधारणेच्या प्रवासाला सुरुवात करा, त्यात सातत्य ठेवा आणि आरोग्यदायी सवयी आपल्या दैनंदिन जीवनाचा अविभाज्य भाग बनवा!
या संपूर्ण प्रवासात सातत्याने मार्गदर्शन, प्रेरणा आणि प्रोत्साहन दिल्याबद्दल मी डॉ. दीक्षित सर, श्रीमती पद्मा बी. आर. आणि श्री भालचंद्र बैलूर यांचे मनःपूर्वक आभार मानतो.
या चॅलेंजदरम्यान मला सहकार्य करणाऱ्या संपूर्ण टीमचा आणि सहप्रवाशांचाही मी ऋणी आहे.

(मराठी अनुवाद: डॉ. रत्नाकर गोरे)