सुमारे १८ महिन्यांपूर्वी मी डॉ. दीक्षित सरांच्या जीवनशैलीच्या ग्रुपमध्ये सहभागी झालो. त्या वेळी माझी एचबीएवनसी ९.५% होती, तर उपाशीपोटी इन्सुलिन १४ होते. माझ्या आरोग्याबाबत मला काळजी वाटत होती; मात्र योग्य मार्गदर्शन आणि शिस्तीने जीवनशैलीत बदल करण्याचा मी ठाम निर्णय घेतला.
ग्रुपमध्ये सहभागी झाल्यानंतर मी मॅडम आणि डॉ. दीक्षित सरांनी दिलेल्या सर्व सूचनांचे तंतोतंत पालन करण्याचा प्रयत्न केला. गेल्या १८ महिन्यांच्या काळात मी एक कणसुद्धा गोड पदार्थ खाल्ला नाही आणि फळेही खाल्ली नाहीत. मी दिवसातून फक्त दोन वेळा जेवण केले. प्रत्येक जेवण ५५ मिनिटांत पूर्ण करण्याची काळजी घेतली आणि डॉ. दीक्षित सरांनी सांगितलेली आहारपद्धती सातत्याने पाळली.
या शिस्तबद्ध जीवनशैलीचा मला आज अतिशय चांगला परिणाम मिळाला आहे. १८ महिन्यांनंतर माझी एचबीएवनसी ९.५% वरून ५.३% झाली आहे. तसेच माझे उपाशीपोटी इन्सुलिन १४ वरून ७.६ झाले आहे. या परिणामामुळे मला खूप आनंद आणि समाधान मिळाले आहे.