रक्षाबंधन, गणेश चतुर्थी, महालक्ष्मी यांसारखे सण आले, पण मला कधीही गोड खाण्याची इच्छा झाली नाही. माझ्या मनात फक्त एकच ध्येय होते: वजन कमी करणे, साखर कमी करणे आणि एक चांगले जीवन जगणे. मी पूर्ण शिस्तीने हे आव्हान पाळले.

या काळात, मी नियमितपणे माझ्या जेवणाचे फोटो शेअर केले, माझ्या व्यायामाबद्दल आणि इतर उपक्रमांबद्दल माहिती दिली आणि कार्यक्रमात शिकवलेल्या चांगल्या सवयी माझ्या दैनंदिन जीवनात समाविष्ट केल्या. मी साप्ताहिक उपक्रमांमध्ये भाग घेतला. दर रविवारी व्याख्याने असायची, जी खूप फायदेशीर होती आणि मला त्यातून खूप काही शिकायला मिळाले.

गोळ्यांच्या दुष्परिणामांबद्दल एक व्याख्यान होते. मी ते काळजीपूर्वक ऐकले. मी गुगलवर माझ्या गोळीबद्दल शोधले. गोळीचे दुष्परिणाम म्हणजे पोटदुखी, पोट फुगणे आणि मळमळ हे पाहून मला आश्चर्य वाटले. मी दुसऱ्या दिवशी डॉक्टरांकडे गेले आणि त्यांना सांगितले की मला खूप पोटदुखी होत आहे. “हे साखरेच्या गोळीमुळे होते का?” ते हो म्हणाले आणि त्यांनी मला दुसरी गोळी दिली. पण त्या दिवसापासून मी मधुमेहाची गोळी घेणे बंद केले. कारण डॉ. दीक्षित यांच्या जीवनशैलीमुळे माझी रक्तातील साखर नियंत्रणात राहिली आणि त्यानंतर मला पुन्हा कधीही पोटदुखी झाली नाही.

पहिल्या महिन्यात माझे ९ किलो वजन कमी झाले, जे खूप आश्चर्यकारक होते. पुढील महिन्यांमध्ये, माझी प्रगती सतत सुधारत गेली. माझे एकूण १२ किलो वजन कमी झाले, जे अकल्पनीय होते. माझ्या रक्तातील साखरेत लक्षणीय बदल झाला. आता मी मधुमेहमुक्त आहे आणि माझी उच्च रक्तदाबाची गोळीसुद्धा बंद झाली आहे.

इतर सुधारणा: तणाव कमी होऊ लागला, गुडघे आणि पायांचे दुखणे कमी झाले, मायग्रेनचा त्रास कमी झाला. मी कधीही १० पायऱ्या चढू शकत नव्हते. मी अंजनी पर्वताच्या ५७५ पायऱ्या चढले आणि दररोज चालण्याची सवय लावली.

माझ्या आयुष्यातील सर्वात मोठा धडा:
या ९० दिवसांत, कसे खावे आणि केव्हा खावे हे मी शिकले. जेव्हा भूक लागलेली असते, तेव्हा अन्नाची खरी चव येते. योग्य प्रकारे कसे खावे, काय पौष्टिक आहे आणि काय टाळावे हे मला माहीत नव्हते. या ग्रुपमध्ये असल्यामुळे मला चांगली शिस्त लागली आहे आणि माझा आत्मविश्वास वाढला आहे.

मी डॉ. जगन्नाथ दीक्षित सरांचे मनापासून आभार मानते. आज त्यांच्यामुळे मी निरोगी जीवन जगायला शिकले आहे, जे मी लाखो रुपये खर्च करूनही करू शकले नसते. त्यांनी हे विनामूल्य केले आहे. तुम्ही वर्णन केलेली जीवनशैली प्रत्येक घरात असायला हवी. आज तुमचे १ लाख फॉलोअर्स आहेत आणि लवकरच १ कोटी होतील. तुमचे कार्य आणि विचार खरोखरच उदात्त आहेत. तुमच्यासाठी ‘धन्यवाद’ हा शब्द खूपच लहान आहे.

आमच्या ॲडमिन्सचेही खूप खूप आभार: श्रीनिवास सर, स्वाती कुलकर्णी मॅडम आणि मेघना भिडे मॅडम आमच्यासाठी नेहमीच उपलब्ध होत्या… त्यांनी दिवस-रात्र एकही क्षण चुकवला नाही. जेव्हा कधी आम्ही फोन करायचो, तेव्हा आमचं समाधान होईपर्यंत त्या आम्हाला पूर्ण वेळ देत असत. धन्यवाद, ॲडमिन्स.
मला खात्री आहे की या चॅलेंजमध्ये शिकलेल्या सवयी मी पुढेही टिकवून ठेवेन. आणि मी त्या इतरांसोबत शेअर करेन. माझा विश्वास आहे की आपण शिकलेल्या चांगल्या गोष्टी इतरांसोबत शेअर केल्या पाहिजेत. म्हणूनच मी माझ्या शहरात, जालना येथे, ‘डॉ. दीक्षित लाइफस्टाइल ग्रुप’ नावाचा एक व्हॉट्सॲप ग्रुप सुरू केला आहे. मी आरोग्याच्या दिशेनेही एक पाऊल उचलले आहे.
मला तुम्हा सर्वांपर्यंत पोहोचवल्याबद्दल माझे सर्वात मोठे आभार माझ्या पतीचे आहेत.

अनुवाद: अनिरुद्ध दिवेकर