९०-दिवसीय चॅलेंजचा अनुभव खरोखरच जीवन बदलणारा ठरला. यात केवळ डाएट करण्यापुरते मर्यादित न राहता, शिस्त लावणे आणि आपल्या खाण्याच्या पद्धतींचा आरोग्यावर कसा परिणाम होतो हे समजून घेणे महत्त्वाचे होते. दररोजच्या जेवणाचे फोटो शेअर करणे, प्रगतीचा मागोवा घेणे आणि एका आधार देणाऱ्या समुदायाचा भाग असणे यामुळे मी माझ्या ध्येयाशी बांधील राहिले. सुरुवातीला या दिनचर्येची सवय करून घेण्यासाठी प्रयत्न करावे लागले, पण हळूहळू ती माझ्या जीवनशैलीचा एक नैसर्गिक भाग बनली.
पहिल्याच महिन्यात मला सकारात्मक बदल दिसू लागले – माझी ऊर्जा वाढली आणि मला अधिक हलके व उत्साही वाटू लागले. जसजसे आठवडे सरत गेले, तसतसे परिणाम अधिक स्पष्ट दिसू लागले. माझे वजन सातत्याने कमी झाले, शरीरात अधिक ऊर्जा जाणवू लागली आणि एकूणच आरोग्यात सुधारणा होऊ लागली. ९० दिवसांच्या अखेरीस:
HbA1c: ५.५ → ५.४
वजन: ८३ किलो → ७२ किलो
कंबर: ११५ सेमी → १०७ सेमी
इन्सुलिनची पातळी: २१.५० → १३.२०
आता मला अधिक प्रेरित आणि आत्मविश्वासू वाटत आहे आणि मी तंदुरुस्त राहण्यावर लक्ष केंद्रित करत आहे. अखेरीस ते पहिले पाऊल उचलल्याबद्दल आणि हा टप्पा गाठल्याबद्दल मला स्वतःचा अभिमान वाटतो.
या प्रवासात सतत मार्गदर्शन, प्रोत्साहन आणि पाठिंबा दिल्याबद्दल मी डॉ. दीक्षित, श्रीकांत डंके आणि अंजली पाठक यांचे मनापासून आभार मानतो. या आव्हानाने खरोखरच माझे आयुष्य सकारात्मकरीत्या बदलले आहे.

(मराठी संकलन: मीनल डोणगावकर)