मी आणि माझी पत्नी, सौ. मंजुषा असे दोघेही आम्ही 90 दिवसांच्या आव्हानामधे अगदी शेवटच्या क्षणी फॉर्म भरून सामिल झालो. ही माहिती आम्हाला सौ.मंजुषा ची मैत्रीण सौ. रेणू उत्तेकर यांच्याकडून समजली होती, ज्यांनी हे आव्हान नुकतेच पूर्ण केलेले होते.
१ फेब्रुवारी पासून  आव्हान अगदी उत्साहाने सुरू झाले. ऍडमिन कविता मेहेंदळे मॅडमनी पुणे येथील DRC मध्ये यायला सांगितले. त्याप्रमाणे तेथे मी गेलो. आमच्या माहितीचा फॉर्म कविता मेहेंदळे मॅडमनी अत्यंत आपुलकीने व शांतपणे भरून घेतला. त्यामुळे त्यातील सविस्तर व अचूक नोंदीमुळे, माझ्या दोन डायबेटीसच्या औषधा पैकी एक औषध, डॉ. स्वाती कांत सामंत यांचेकडे कडून कमी करण्यात आले. ज्यासाठी मी अनेक वर्ष प्रयत्नशील होतो. त्याच दिवशी प्रत्यक्षात डॉ दीक्षित सर याना भेटता आले.
मार्च अखेर माझी  एचबीएवनसी ५.६% झाली आणि डॉ. जगन्नाथ दीक्षित  यांनी मधुमेहावरची औषधे पूर्ण बंद केली. माझे अनेक वर्षांचे स्वप्न प्रत्यक्षात उतरले!