गेली दोन वर्षे मी डॉ दीक्षित जीवनशैलीचे पालन करत होतो, परंतु त्यात सातत्य नव्हते. कधी तीन महिने करायचो, तर कधी ते पूर्णपणे बंद व्हायचे. त्यामुळे अपेक्षित परिणाम मिळत नव्हते. दरम्यान डिसेंबर महिन्यात माझ्या आरोग्याच्या काही समस्या वाढू लागल्या. चालताना दम लागणे, शुगर वाढल्यामुळे रात्री वारंवार लघवीसाठी उठावे लागणे तसेच गुडघे आणि टाचांमध्ये वेदना होणे, या त्रासांना मला सामोरे जावे लागत होते.
३० डिसेंबर रोजी केलेल्या तपासण्यांमध्ये माझे एचबीएवनसी १०.५% आणि उपाशीपोटी इन्सुलिन २९.५ आले. त्यानंतर १ जानेवारीला मी DRC मध्ये जाऊन डॉ. दीक्षित सरांची भेट घेतली. त्यांनी मला एक महिना मनापासून प्रयत्न करण्याची संधी दिली. आयुष्यभर औषधांवर अवलंबून राहायचे नव्हते, त्यामुळे मी हा बदल स्वीकारण्याचा निर्धार केला.
योगायोगाने १ फेब्रुवारीपासून चॅलेंज सुरू होत होते. त्यामुळे मला नव्याने प्रेरणा मिळाली. मी प्रामाणिकपणे नियम पाळायला सुरुवात केली. दररोज जेवणाचे फोटो, व्यायामाचे फोटो ग्रुपमध्ये शेअर केले आणि प्रोग्राममध्ये शिकवलेल्या सवयी अंगीकारल्या.
पहिल्याच महिन्यात माझे वजन १११ किलोवरून १०६ किलो झाले, म्हणजे ५ किलो वजन कमी झाले. तसेच एचबीएवनसी ९.६% वरून ७.८% पर्यंत खाली आले. पुढील महिन्यात वजन १०४ किलो झाले आणि एचबीएवनसी ७% पर्यंत कमी झाले.
९० दिवस पूर्ण झाल्यावर मिळालेले परिणाम खरोखरच आनंददायी होते:
✅ वजन: १११ किलो वरून ९९ किलो
✅ एचबीएवनसी: ९.६ वरून ६.७
✅ कंबर: १३० सेंमी वरून १२३ सेंमी

या प्रवासामुळे माझ्या आयुष्यात मोठा सकारात्मक बदल झाला. माझी ऊर्जा वाढली, चालण्याची क्षमता १ किलोमीटरवरून ८ किलोमीटरपर्यंत पोहोचली. गुडघे आणि टाचांचा त्रास पूर्णपणे कमी झाला. सर्वात महत्त्वाचे म्हणजे खाण्यावर नियंत्रण मिळाले आणि साखर तसेच गोड पदार्थ पूर्णपणे बंद करण्याची सवय लागली.
या यशामागे डॉ. दीक्षित सर, मिनल मॅडम, कविता मेहेंदळे मॅडम आणि ग्रुपमधील सर्व सहकाऱ्यांचे मार्गदर्शन व प्रोत्साहन महत्त्वाचे ठरले. त्यांच्या सततच्या पाठिंब्यामुळे आणि योग्य दिशादर्शनामुळेच हा परिवर्तनाचा प्रवास शक्य झाला.
“सातत्य, शिस्त आणि योग्य मार्गदर्शन यांची जोड मिळाली तर कोणतेही ध्येय अशक्य नाही.”

(मराठी संकलन: डॉ रत्नाकर गोरे)