आज मी माझ्या आयुष्यातील एक महत्त्वाचा टप्पा तुमच्यासोबत शेअर करत आहे. अवघ्या 3 महिन्यांत मी केवळ वजनच कमी केले नाही, तर माझे संपूर्ण आरोग्य सुधारले आहे.
८ जून २०२६ रोजी माझे वजन १०५ किलो होते. माझा एचबीएवनसी ८.२% होता, जो मधुमेहाच्या धोकादायक पातळीवर होता. वाढलेले वजन, वाढलेली साखर आणि थकवा यामुळे मला जाणवले की आता स्वतःसाठी काहीतरी बदल करणे आवश्यक आहे.
त्याच काळात मला सोशल मीडियावर डॉ. जगन्नाथ दीक्षित सरांचे व्हिडिओ पाहायला मिळाले. त्यांच्या साध्या, वैज्ञानिक आणि शिस्तबद्ध जीवनशैलीच्या संदेशाने मला खूप प्रेरणा दिली. त्यानंतर मी ठाम निर्णय घेतला की आरोग्याला सर्वात मोठे प्राधान्य द्यायचे.
मी नियमितपणे आहारावर नियंत्रण ठेवले दररोज साधारण ६० मिनिटे चालण्याची सवय लावली, साखरेचे सेवन बंद केले, पुरेसे पाणी पिण्याची सवय लावली आणि शिस्तबद्ध जीवनशैली स्वीकारली.
आज, १४ सप्टेंबर २०२६ रोजी माझे एचबीएवनसी ५.१% आणि वजन ८९ किलो आहे.
हे आकडे फक्त वजन आणि मधुमेह कमी झाल्याचे दाखवत नाहीत, तर नवीन आयुष्याची सुरुवात दर्शवतात. या प्रवासाने मला एक नवीन आयुष्याची गुरुकिल्ली दिली आहे.
शेवटी, माझा सर्वांना एकच संदेश आहे:
“स्वतःवर विश्वास ठेवा. दररोजची छोटी शिस्त आणि सातत्य तुम्हाला मोठे यश मिळवून देऊ शकते.”
“आरोग्य हीच खरी संपत्ती आहे.”

मी डॉ. जगन्नाथ दीक्षित सरांचे मनापासून आभार मानतो, कारण त्यांच्या प्रेरणेमुळे मी हा बदल घडवू शकलो.

(मराठी संकलन: डॉ रत्नाकर गोरे)