माझ्या निरोगी जीवनशैलीच्या प्रवासाला १ मार्च २०२५ रोजी सुरुवात झाली. वजन कमी करणे, इंच लॉस करणे तसेच औषधांशिवाय एचबीएवनसी नियंत्रणात ठेवण्यासाठी मी डॉ. दीक्षित लाइफस्टाईल स्वीकारली आणि हा प्रवास माझ्यासाठी पूर्णपणे परिवर्तनकारी ठरला. गेल्या सहा महिन्यांत माझ्या शरीरात लक्षणीय सकारात्मक बदल अनुभवायला मिळाले.
मी दररोज ४.५ किमी चालणे हा व्यायामाचा नियमित भाग केला. यासोबतच भरपूर पाणी पिणे आणि साखर न घातलेली ब्लॅक कॉफी घेणे ही सवय लावून घेतली, ज्यामुळे भूक नियंत्रणात ठेवण्यास मदत झाली. या जीवनशैलीमुळे माझे सुमारे ७.५ किलो वजन कमी झाले असून कंबरेचा घेर ५ सेमीने कमी झाला आहे. त्यामुळे कपडे अधिक चांगले बसू लागले आहेत.
सर्वात महत्त्वाचे म्हणजे, कोणतेही औषध न घेता माझे एचबीएवनसी स्तर ६.५ ते ६.६% या मर्यादेत स्थिर झाले आहेत. या जीवनशैलीपूर्वी औषधोपचार सुरू असतानाही माझे एचबीएवनसी ७ ते ८.५% दरम्यान बदलत असे. डॉ. दीक्षित लाइफस्टाईल माझ्यासाठी खऱ्या अर्थाने गेम-चेंजर ठरली आहे

या प्रवासाबद्दल मी मनापासून कृतज्ञ आहे आणि अधिक निरोगी व आनंदी आयुष्याकडे वाटचाल करत राहण्यास उत्सुक आहे.
आगामी काळात मी ही जीवनशैली अधिक कठोरपणे पाळणार असून, एचबीएवनसी ५.५% पेक्षा कमी करण्याचे तसेच १ मार्च २०२६ पर्यंत वजन ७३ किलो करण्याचे माझे ठाम उद्दिष्ट आहे.

(मराठी अनुवाद: डॉ रत्नाकर गोरे)