सन २०२१ च्या मार्च महिन्यात मला मधुमेह झाल्याचे समजले. त्यावेळेस माझे एचबीएवनसी १२.८ होते. माझ्या जावयांना *डॉ दीक्षित* आहार योजनेबद्दल माहिती होती. मग आम्ही *डॉ दीक्षित* यांचेशी संपर्क केला. माझ्या रिपोर्ट्स बघून त्यांनी मला सी पेप्टाइड टेस्ट करायला सांगितली. त्याचे अहवाल बघून त्यांनी मला या जीवन शैली बद्दल सविस्तर माहिती दिली. त्यानुसार मी ०५-०४-२०२१ पासून ही आहार योजना सुरु केली. मी रोज सकाळी उठून एका तासात ५ किलोमीटर पायी चालते. मी सकाळी १२:३० ला तर संध्याकाळी ८ वाजता जेवते. दोन्ही जेवणात मी सुके मेवे, सलाड, मोड आलेले धान्य/अंडी/चिकन आणि त्यानंतर घरी शिजवलेले बाकीचे अन्न पदार्थ खाते. पूर्वी मी दोन जेवणाच्या मध्ये पातळ ताक प्यायचे पण नंतर ते ही बंद केले.