माझ्या ३ शल्य प्रसूतींनंतर माझे वजन खूप वाढले होते. मी योग, व्यायामशाळा, चालणे, आहार योजना इत्यादींचे अनुसरण करून माझे वजन कमी करण्याचा खूप प्रयत्न केला. माझे वजन २.५ किलो ते ३ किलो कमी झाले आणि त्यानंतर ते स्थिर झाले. त्यानंतर माझे गुडघे दुखू लागले. लॉकडाऊन दरम्यान गुडघेदुखी आणि त्यांची सूज वाढली. त्या क्षणी मी ठरवलं की काहीतरी वेगळं करावे लागेल.
युट्युब चित्रफिती सहजपणे चाळत असताना मला *डॉ दीक्षित* यांचा आहार योजनेवरची चित्रफीत आढळून आली. मी व्याख्यानाची चित्रफीत पाहिली. पण चित्रफीतीतून पहिल्यांदा मला काहीच समजले नाही. मग संकल्पना समजून घेण्यासाठी मी सर्व चित्रफीती पुन्हा पुन्हा पाहिले.
मला समाज माध्यमातून श्री दिनकर दामले सरांचा संपर्क क्रमांक मिळाला ज्यांनी मला ०४ डीएम रेव समुहामध्ये समाविष्ट केले. मी दररोज ५ ते ५.५ किमी चालते आणि एकदिवस आड दिवशी व्यायाम करते. मी दररोज गुडघ्यांसाठी शिफारस केलेल्या व्यायामाचा सराव करते. मी गेल्या १० महिन्यांपासून हा दिनक्रम पाळत आले आहे. आधी ह्याचा कंटाळा यायचा पण आता हे आयुष्याचा भाग झालय.