खरेतर मला *डॉ दीक्षित* यांची ही जीवनशैली साधारण २ वर्षे आधी समजली होती, पण *डॉ दीक्षित* जीवनशैलीचे इतके शुद्ध सोने हाती येऊनही त्याचा प्रत्यक्ष उपयोग करून घेण्यास मला हे वर्ष आणि जानेवारी मास यावा लागला.
आपल्या उपक्रमात सांगितल्याप्रमाणे दिनांक ५ जानेवारीला एचबीएवनसी ची चाचणी केली आणि त्याचे प्रतिवृत्त आल्यावर क्षणभर स्तब्ध व्हायला झाले…कारण मला मधुमेह झाल्याचे निदान झाले असून त्यात तो अंक ०७.००% इतका पुढे पोहोचला.
आता मात्र जर ही जीवनशैली आचारली नाही तर आपल्या जीवनाचे आणि आरोग्यपूर्ण आयुष्याच्या विपरीत आपला उलटा प्रवास सुरु होईल की काय आणि त्यातून येणाऱ्या अडचणी काय येऊ शकतील याची माहिती *डॉ दीक्षित* यांच्या व्याख्यानातून ऐकलेली होती, त्या सर्व गोष्टींचे डोक्यात काहूर माजले आणि गोरेगाव प्रभाग प्रमुख श्री अरुण नावगे यांची भेट घेतली त्यांनी यात आतातरी संपूर्ण सातत्य राखणेबाबत आवश्यक सूचना केल्या काही शंकांचे निराकरण देखील केले तसेच Dr. Dixit diet 03 DM rev या गटात तात्काळ समाविष्ट केलें.
मग मात्र केवळ दोन वेळेसच अन्न ग्रहण करणे आणि त्याच सोबत रोज एका तासात ५.५ किमी चालणे, व गेल्या महिनाभरापासून १०-१२ किमी सायकल चालविणे असे व्यायामप्रकार अखंड सुरू केले. मी माझ्या जेवणात गोड पदार्थांची मात्रा शक्य तितकी कमी केली.
दिनांक ५-४-२०२२ ला तीन महिने पूर्ण झाल्यावर एचबीएवनसी आणि फास्टिंग इन्शुलिन या दोन्ही रक्त चाचण्या केल्या, तर त्यात में पूर्व मधुमेही झाल्याचे समजले . माझ्या दोन्ही रक्त परीक्षणांचे अहवाल सोबत च्या तक्त्यात दिलेले आहेत.
आता यापुढे माझी दोन ध्येय म्हणजे पहिले संपूर्ण मधुमेह मुक्त होणे आणि वजन आणि उंची यांचा मेळ बसविणेसाठी अनावश्यक मेद कमी करणे…
आपल्या सर्वांच्या शुभेच्छा, श्रीमान् अरुण नावगे आणि आपले सर्वसर्वा आणि प्रधान मार्गदर्शक *डॉ जगन्नाथ दीक्षित* यांच्या शुभेच्छा आणि आशीर्वाद यामुळे माझी ही दोन्ही ध्येय साध्य होऊन हाती घेतलेले हे जगन्नाथाचे व्रत अखंडित परिपूर्ण होवो ही प्रार्थना.