त्याच सुमारास ९० दिवसांचे वजन कमी करण्याचे चॅलेंज पण सुरु झाले. अधिकस्य अधिकम् फलम् असा विचार करुन त्यात पण भाग घेतला. पहिल्याच महिन्यात माझे एचबीएवनसी ६.७ वरुन ५.९% आले. मला खूप आनंद झाला. मला या काळात अजिबात औषधे नव्हती. माझे वजन पण ८८ कि. झाले.
दुसऱ्या महिन्यात एचबीएवनसी ५.८% आले आणि वजन ८३.५ किलो पर्यंत उतरले. शरीरातील स्थूलपणा काही प्रमाणात कमी झाला होता. पाय दुखणे पण कमी झाले होते. आता थकवा, ताण-तणाव अजिबात जाणवत नव्हता. मनाला खूप छान व उत्साही वाटत होते.
सेंटरमधील सर्वांनी मला छान सहकार्य केले. डॉ. दीक्षित सरांचा व त्यांच्या सर्व टीमचा मला दिलेल्या निरपेक्ष सेवेबद्दल मनापासून आभार. मी ही जीवनशैली आचरून पूर्ण मधुमेह मुक्त्त होईन याची मला आशा नव्हे तर खात्रीच वाटते आहे. मला जो लाभ झाला तो मी प्रत्येक डायबेटिक पेशंटला सांगू इच्छितो व ही जीवनशैली सविस्तर समजून आचरणात आणावी असा आग्रह करतो.

(मराठी संपादन: डॉ रत्नाकर गोरे)