मी ही जीवनशैली तंतोतंत पाळत होतो. मला बाहेर खाण्याची खूप सवय होती. आता ते पूर्णपणे बंद झाले. दर महिन्याला नियमितपणे एचबीएवनसी चा रिपोर्ट करुन मी सेंटरला येत होतो. माझे एचबीएवनसी १२.३ पासून ६.१% पर्यंत औषध न घेता उतरले. डॉ. स्वाती मॅडमना मी माझ्या तब्येतीचे इतर प्रॉब्लेमही सांगत होतो. ते त्या वेळोवेळी दूर करत होत्या. माझ्या पायाला सोरायसिसचा त्रास होता. त्यावर कोणतेही औषध घेत नव्हतो. पण काय आश्चर्य हा त्रास पण खूप कमी झाला. हा मला या जीवनशैलीचा बोनस लाभ आहे.
डॉ. दीक्षित सर मला देवाच्या जागीच वाटतात. त्यांची सेवा विनामूल्य असल्यामुळे सर्वांना करणे शक्य आहे. मी व माझी पत्नी ही जीवनशैली यापुढेही जन्मभर पाळणार आहोत. माझे वजनही ७ कि. ने कमी झाले. मी लवकरात लवकर मधुमेहमुक्त्त होईन याची आता खात्रीच वाटते.
मी डॉ. दीक्षित सर व त्यांच्या कामात सहभाग देणाऱ्या सर्व टीमचे मनापासून आभार मानतो. त्यांनी त्यांच्याबरोबर मला काम करण्याची संधी दिली तर मी ती नक्की स्वीकारेन.

(मराठी संपादन: डॉ रत्नाकर गोरे)