मी ही जीवनशैली प्रामाणिकपणे पाळतो. मला चार महिन्यातच खूप फरक पडला. वजन ३.१५ कि. पोटाचा घेर ६ सें.मी. कमी झाला. व मुख्य म्हणजे एचबीएवनसी ७.७ वरुन ६.३% वर आले. मी मधुमेही रुग्णाच्या कॅटेगिरीतून पूर्व मधुमेही झालो. माझा उत्साह वाढला. मला सारखी झोप येत होती, ती पण कमी झाली. सर्वात महत्त्वाचे म्हणजे पोटाचा घेर कमी झाल्यामुळे पॅंट व शर्ट बदलायची वेळ आली. त्याचा मला खूप आनंद झाला.
मी ही जीवनशैली कायम सुरु ठेवून पूर्णपणे मधुमेह मुक्त्त होण्याचा प्रयत्न करणार आहे. ते मी साध्य करेन याचा मला विश्वास आहे.
मी सध्या मला डायबेटिस झालेला कोणीही भेटला की मी त्यांना या जीवनशैलीबद्दल व सेंटरविषयी सांगतो. मला इथल्या सेंटरमध्ये खूप चांगल्या सूचना व सहकार्य मिळाले. जरी हे सेंटर पूर्णपणे मोफत चालत असले तरी अगत्य खूप असते. माझ्या ब्लडप्रेशरच्या गोळ्या पण कमी मात्रेच्या झाल्या.
मी आज खूप समाधानी आहे. अजून वजन उतरवण्याचा बराच टप्पा गाठायचा आहे व त्याकरता नक्कीच मी प्रयत्न करेन.

(मराठी संपादन: डॉ रत्नाकर गोरे)