माझ्या घरात कोणालाही मधुमेह नसल्यामुळे मला झाल्याचे कळाल्यावर माझ्या मनावर ताण आला. परंतु पुण्याच्या सेंटरवर मला अपेक्षेपेक्षा चांगली वागणूक, आत्मीयता मिळाली. सरांच्या टीमने माझे सर्व म्हणणे शांतपणे ऐकून घेतले. जीवनशैलीबद्दल संपूर्ण मार्गदर्शन केले. माझा डायबेटीस नक्की जाईल याची शाश्वती दिली.
डॉ. स्वाती सामंत मॅडमनी माझी औषधे बंद केली. जर मी जीवनशैली चांगल्या रितीने व नियमित पाळली तर मला कधीच औषधे घ्यावी लागणार नाही याबद्दल निश्चिंत केले. रेमडीसिवर औषधाचा साइड इफेक्ट मी अनुभवला होता म्हणून मला जीवनभर मधुमेहाची औषधे घ्यायची नव्हती. हा माझा उद्देश इथे साध्य होत होता.
माझे एचबीएवनसी चार महिन्यातच ६.७ चे ५.९% झाले. वजनही २-३ किलो उतरले. पुढे आणखीन उतरेल यावरील विश्वास वाढला.
मी ही जीवनपद्धती आयुष्यभर सुरु ठेवणार आहे. मी नांदेडमध्ये बऱ्याच लोकांना याबद्दल सांगत असतो व पुढे पण सांगणार आहे. मी डॉ. जगन्नाथ दीक्षित सर व त्यांच्या टीमने मला दिलेल्या आत्मीयतेच्या वागणुकीबद्दल व केलेल्या मार्गदर्शनाबद्दल सर्वांना हृदयापासून धन्यवाद देतो.

(मराठी संपादन: डॉ रत्नाकर गोरे)