मी डॉ. दीक्षित यांची जीवनशैली यूट्यूबवर ऐकली होती. पण किरकोळ कारणे देत मी ती आचरणात आणली नव्हती. आता मात्र काहीतरी उपाय करायचा हे ठरवून मी पुणे येथील D R C मध्ये गेलो. जातांना जोशीसरांनी फोनवर सांगितलेल्या दोन्ही टेस्ट करुन गेलो. तेव्हा माझे एचबीएवनसी ७.७% आले. मी मनातून घाबरलो होतो. पण मला डॉ. दीक्षित सरांनी धीर देऊन सांगितले की तुम्ही ही जीवनपद्धती योग्यप्रमाणे केली, व्यायाम नियमितपणे केला तर तुमचा मुधमेह रिव्हर्स होऊ शकतो. आता मला थोडा धीर आला. जोशी सरांनी मला ही जीवनशैली पूर्णपणे समजावून सांगितली.
महिनाभर या जीवनशैलीचे मी तंतोतंत पालन केले. एका महिन्यात माझा एचबीएवनसी ७.७ वरुन ६.२% झाला. वजन अंदाजे ४ कि. ने कमी झाले. मी नंतर ९० दिवस वजन कमी करण्याच्या चॅलेंजमध्ये भाग घेतला. आता वजन ६९ कि. झाले. मी खूप खूष झालो. D R C च्या डॉक्टरांनी माझी औषधे पण बंद केली होती.
मला डॉ. दीक्षित सर, जोशी सर, शिल्पा मॅडम यांचे खूप छान मार्गदर्शन मिळाले. माझ्या जेवणात प्रर्थिने, फायबर आणि कर्बोदकांचे प्रमाण किती असावे, जेवणातील पदार्थ कोणत्या क्रमाने खावे हे समजले. आता मी मधुमेहमुक्त्त होणारच. वेळोवेळी समूहातील सभासद आणि ॲडमिन्समुळे उत्साह वाढतो. मी या सर्वांचे मनापासून आभार मानतो.

(मराठी संपादन: डॉ रत्नाकर गोरे)