मी जीवनशैली १००% आचरण्यास सुरुवात केली. त्यांनी सांगितलेल्या क्रमाने खाणे व उचित व्यायाम याची जोड दिली. एक महिन्यातच माझे वजन ३ किलोने व एचबीएवनसी ०.६ ने कमी झाले. माझा उत्साह वाढला. मी माझ्या सर्व खाण्याच्या सवयीत सुधारणा केली. चार महिन्यातच माझे वजन १७ किलोने व एचबीएवनसी ५.६ पर्यंत उतरले. माझा उत्साह वाढला. माझी चालण्याची क्षमता व वेग वाढला. आता मी चालण्याबरोबर ३० मि. पळू पण लागलो. सुरुवातीला पळणे मला अशक्यप्राय वाटत होते.
वजन उतरण्याचा दुसरा फायदा म्हणजे ६-७ महिन्यापूर्वीचे कपडे मी परत घालू लागलो. मला माहित आहे की माझ्या लक्ष्याचा अर्धा टप्पाच मी गाठला आहे. पण मला विश्वास आहे मी उर्वरित टप्पा पण गाठू शकेन. मला सेंटरमध्ये अविनाश गोखले सर, डॉ. स्वाती सामंत मॅडम व सेंटरचे सर्व ॲडमिन व शेवटी डॉ. जगन्नाथ दीक्षित सरांचे उत्तम मार्गदर्शन व साह्य मिळाले. त्यासाठी मी त्यांचे मनःपूर्वक आभार मानतो. माझे उर्वरित लक्ष्य मी लवकरच पूर्ण करणार आहे. यासाठी मी सेंटरच्या सर्वांचा सतत मिळणाऱ्या सहकार्याबद्दल कायम ऋणी असेन. माझ्या आयुष्यात आलेल्या ह्या व्यक्त्ती देवदूत आहेत असे मला वाटते.

(मराठी संपादन: डॉ रत्नाकर गोरे)