यशोगाथा : तारीख 16 July 2025
परिचय पत्र
माझी परिवर्तन कथा
फेब्रुवारी २३ मध्ये माझी आई खूप आजारी होती. त्यामुळे मी खूप काळजीत होतो. एके दिवशी मला चक्कर आली म्हणून रक्ततपासणी केली असता मला डायबेटिस झाल्याचे कळले. माझे एचबीएवनसी ९.४% आले. त्याचवेळी माझी रॅंडम साखर पण २२०+ आली. हे फार भयानक होते. खूप काळजीतही होतो. पण मी हे जाणून होतो की हे माझ्या अनियमित जीवनपद्धतीमुळे आहे. मी एक सॉफ्टवेअर इंजिनियर आहे. मी माझ्या कामाच्या बाबतीत खूप काटेकोर आहे. माझ्या कामाच्या वेळेमुळे, माझ्या कामाबाबतीतच्या फोकस असलेल्या स्वभावामुळे मला जीवनपद्धती व काम, व्यायाम यात समतोल साधणे फार अवघड झाले आणि त्याचाच परिपाक म्हणजे माझे एचबीएवनसी ९.४% आले. धोक्याची घंटी वाजली होती.
माझ्या एक मित्राला डॉ. दीक्षित सरांनी सांगितलेल्या जीवनशैली चे पालन केल्याने खूप फायदा झाला होता. त्यामुळे मला ही जीवनशैली माहिती होती. मी सरांचे यूट्यूबवरचे व्हिडिओ पाहिले. या जीवनपद्धतीबद्दल परिचित झालो होतो. पण योग्य मार्गदर्शन मिळावे म्हणून D R C पुणे येथे आलो.
सेंटरमध्ये पुण्याला मला अविनाश गोखले सरांनी संपूर्ण मार्गदर्शन केले. त्यांचे मार्गदर्शन व माझी वचन बद्धता, बांधिलकी यामुळे ३ महिन्यातच माझी एचबीएवनसी ची लेव्हल ९.४ वरुन ५.९% ला आली.
डॉ. दीक्षित यांच्या जीवनशैलीमुळे आलेल्या परिवर्तनाने केवळ माझ्या मधुमेहाला रोखले असे नाही, तर एकूणच आरोग्याला चांगले वळण मिळाले आहे. ज्यामुळे मी अनेक वर्षांनंतर तंदुरुस्त आणि निरोगी असल्याचे अनुभवले.
या जीवनपद्धतीचे अवलंबन करण्यासाठी लागणाऱ्या व्यवस्थापनासाठी मार्गदर्शन करणाऱ्या सेंटरच्या सर्व समन्वयकांचे मी डॉ. दीक्षित यांचाबरोबरच मनःपूर्वक आभार मानू इच्छितो.
यासाठी मी माझ्या पत्नीच्या सहकार्याचा अवश्य उल्लेख करेन. तिनेही यासाठी सुनियोजन करुन ही जीवनशैली काटेकोर पाळली जावी याची उचित दक्षता घेतली.
मला पेपरमधून पुण्यात D R C सुरु झाल्याचे कळाले. त्यावेळी मला गोळ्या चालू होत्या. मी जेव्हा सेंटरला आलो व माझे रिपोर्ट दाखवले. तेव्हा सेंटरच्या डॉक्टरांनी माझ्या गोळ्या पूर्णपणे थांबविल्या. मला प्रामाणिकपणे डाएट करायचा सल्ला दिला. मी पण आपल्याला मधुमेह मुक्त्त व्हायचे आहे हे मनोमन जाणून ही जीवनशैली प्रामाणिकपणे व धरसोड वृत्ती न करता पाळण्याचा निश्चय केला. सेंटरमध्ये मला जीवनशैलीबद्दल सर्व माहिती देण्यात आली व माझ्या सर्व शंकांचे निरसन झाले. मी पहिल्यांदा जेव्हा सेंटरला आलो तेव्हा माझे वजन ७६ किलो व एचबीएवनसी ६.८% होते.
मी न चुकता मला सांगितलेल्या तारखेला सेंटरला येत होतो. आज डिसेंबर २०२३ ला माझे वजन ६७ किलो व एचबीएवनसी ५.८ आहे. जेवतांना जो क्रम सांगितला त्याप्रमाणे मी जेवतो. सध्या मी रोज ८-१० कि.मी. चालतो. दोन जेवणामध्ये फक्त्त पाणी पितो. मी D R C मध्ये आल्यापासून गोड खाल्लेले नाही. माझ्या गुडघ्याचे ऑपरेशन झाले होते.
सध्या मला कोणताही आजार नाही. पचन व्यवस्थित होते. झोप शांत लागते. मी या जीवनशैलीवर खूष आहे. सध्या मी पूर्व-मधुमेही आहे. पण मला खात्री आहे की मी लवकरच मधुमेह मुक्त्त होईल. मी डॉ दीक्षित सरांचा व सेंटरमधील सर्वांचा आभारी आहे. मी माझ्या सहवासात येणाऱ्या व्यक्त्तींना ही जीवनशैली करण्याबद्दल प्रवृत्त करतो.
