DRC मध्ये परत मला जीवनशैली छोट्या गोष्टींसकट समजावून सांगितली व एक महिन्याने बोलावले. त्यानुसार २३.०३.२०२४ ला एचबीएवनसी टेस्ट करुन सेंटरला गेलो. माझे एचबीएवनसी ६.४% आले. आजही मला परत डॉ. दीक्षित स्वतः भेटले. माझी प्रगती पाहून ते खूप खूश झाले व त्यांनी माझी सर्व औषधे बंद केली.
मला मधुमेह झाल्याच्या पहिल्या दिवसापासून मी डॉ दीक्षित जीवनशैली अगदी काटेकोरपणे पाळत आहे. मी माझ्या आहारात साखरेचा कोणताही डायरेक्ट व इंडायरेक्ट समावेश होणार नाही याची पूरेपूर काळजी घेतो. मी अजिबात फळे खात नाही. मी ४५ मिनिटे मसलट्रेनिंग व ४५ मिनिटे चालणे याचा व्यायामात समावेश केला आहे.
२३ मे २०२४ रोजी माझे एचबीएवनसी ५.३% आले व मी मधुमेह-मुक्त्त झालो. या ५ महिन्यात माझा थकवा दूर झाला व माझी ॲसिडिटी पण गेली. माझ्या झोपेच्या क्वालिटीमध्ये खूप सुधारणा झाली. मी ही जीवनपद्धती आयुष्यभर पाळण्याचा प्रयत्न करणार आहे. माझ्या नातेवाईक व मित्रपरिवारात याचा प्रसार करणार आहे.
मी डॉ. दीक्षित सरांचा ऋणी आहे. त्यांचे व त्यांच्या टीमचे कोणतेही आर्थिक लाभ न घेता चालणारे हे काम ते ज्या पद्धतीने करतात त्याबद्दल मी त्यांचा अत्यंत आभारी आहे. माझ्या पत्नीनेही वेळोवेळी आवश्यक डाएट प्लॅन सांभाळले त्याबद्दल तिलाही मनापासून धन्यवाद.

(मराठी संपादन: डॉ रत्नाकर गोरे)