माझे मिस्टर डिफेन्समध्ये नौकरीला आहेत. त्यामुळे आत्तापर्यंत पुण्याबाहेरच बदलीवर होतो. मला गेले १० वर्षे डायबेटिस आहे. त्यावरील गोळ्या पण चालू होत्या. डिसेंबर २०२३ ला माझ्या मिस्टरांची बदली पुण्याला झाली व आम्ही कॅंपमध्ये रहायला आलो. आमचे शेजारी श्री. कुलकर्णी यांच्याकडून डॉ. दीक्षित जीवनशैलीबद्दल कळाले. डायबेटिसच्या गोळ्या खातांना त्यांचा साईडइफेक्ट आपल्या आरोग्यावर परिणाम करेल याची सारखी भीती वाटत होतीच.
ही जीवनशैली समजून घेण्याचा मी मनोमन निश्चय केला. वयाच्या पन्नाशीत आरोग्याबाबतचा फोकस बदलावा असे वाटू लागले. आत्तापर्यंतच्या अनियमित जीवनशैलीमुळे माझ्या मधुमेह व वजन यावरील नियंत्रण सुटलेले होते. ११ डिसेंबर २०२३ ला टेस्ट केल्यानंतर माझे एचबीएवनसी ८.५% आणि उपाशीपोटी इन्सुलीन २४.७ होते. मी सेंटरमध्ये येऊन सर्व जीवनपद्धती व्यवस्थितपणे समजावून घेतली व लगेचच अनुसरण्यास सुरुवात केली.