मी डॉ. दीक्षित जीवनशैली ०१/०६/२०२५ पासून सुरू केली. त्याआधी मी दीर्घकाळ उच्च रक्तदाब आणि मधुमेह या आजारांशी झुंज देत होतो, ज्याचा माझ्या दैनंदिन जीवनावर मोठा परिणाम होत होता. याच काळात मला यू ट्यूबच्या माध्यमातून डॉ. दीक्षित जीवनशैली आणि ९० दिवसांच्या चॅलेंज विषयी माहिती मिळाली. जेव्हा मला कळले की हे चॅलेंज ०१/०६/२०२५ पासून सुरू होणार आहे, तेव्हा मी त्यामध्ये सहभागी होण्याचा ठाम निर्णय घेतला. येणाऱ्या सण- उत्सवांमुळे कुटुंबीय व मित्र थोडे साशंक होते, पण मी पूर्ण मनाने हे चॅलेंज स्वीकारण्याचा निश्चय केला. मी संपूर्ण शिस्तबद्ध पद्धतीने या कार्यक्रमाचे पालन केले. — जेवणाचे फोटो शेअर केले, नियमित व्यायाम केला व त्याची माहिती दिली. सांगितलेले सर्व नियम प्रामाणिकपणे पाळले.

पहिल्याच महिन्यात सकारात्मक बदल दिसून आले.— वजनात घट झाली आणि साखरेच्या पातळीत सुधारणा झाली. पुढील महिन्यांमध्ये ही प्रगती सातत्याने सुरू राहिली. वजन तसेच वैद्यकीय तपासणी अहवालांमध्ये लक्षणीय सुधारणा दिसून आली.

९० दिवसांच्या शेवटी:
एचबी वनएसी: ७.० → ६.४
वजन: १०२ → ९६
कंबर: १२२ → १११

इतर फायदे:
माझ्यासाठी सर्वात मोठी उपलब्धी म्हणजे वारंवार खाण्याच्या इच्छेवर नियंत्रण, शिस्तीची सवय, सकारात्मक मानसिकता आणि ऊर्जा पातळीत झालेली स्पष्ट वाढ.

डॉ. दीक्षित तसेच सर्व इतर अ‍ॅडमिन्स यांचे सतत मार्गदर्शन व सहकार्याबद्दल मी मनापासून आभार मानतो