हार्मोनल असंतुलनामुळे वाढलेल्या वजनाशी मी बराच काळ झगडत होते, ज्याचा माझ्या दैनंदिन आयुष्यावर मोठा परिणाम होत होता. डॉ. दीक्षित लाइफस्टाईल आणि ९० दिवसांच्या चॅलेंजची माहिती मला यूट्यूबवरून मिळाली. जेव्हा मला कळले की हे चॅलेंज १ जून पासून सुरू होणार आहे, तेव्हा मी ठामपणे त्यात सहभागी होण्याचा निर्णय घेतला. रक्षाबंधन, जन्माष्टमी, गणेश चतुर्थी यांसारखे सण येत असल्यामुळे कुटुंबीय आणि मित्र-मैत्रिणींना थोडी शंका होती, पण मी पूर्णपणे मनाशी ठरवले होते की मी हे चॅलेंज पूर्ण ताकदीने करणारच.
मी संपूर्ण शिस्त पाळली — नियमित व्यायामाचे अपडेट्स देणे, कार्यक्रमात शिकवलेली शिस्तबद्ध जीवनशैली पाळणे आणि नियमांचे काटेकोर पालन करणे. पहिल्याच महिन्यापासून मला सकारात्मक बदल जाणवू लागले.
९० दिवसांच्या शेवटी झालेले बदल:

एचबीएवनसी : ५.१ → ५.४%
वजन: ७६ → ७३ किलो
कंबर: ९६ → ९१ सेंमी
इतर सुधारणा:
ऊर्जेत वाढ, आम्लपित्त (अॅसिडिटी) पूर्णपणे बंद
याशिवाय भूक आणि खाण्याच्या इच्छे वर नियंत्रण, mindful eating (जाणीवपूर्वक आहार), वेळेच्या शिस्तीत आहार घेणे अशा अनेक चांगली सवयी लागल्या. या सवयी दीर्घकाळ सातत्याने पाळता येतात आणि त्या कायमस्वरूपी जीवनशैलीचा भाग बनू शकतात, ज्यामुळे भरपूर आरोग्यदायी फायदे मिळतात.
या प्रवासात सतत मार्गदर्शन व पाठिंबा दिल्याबद्दल मी डॉ. दीक्षित सर, अनघा काळे मॅडम, लीना मॅडम आणि सर्व अ‍ॅडमिन्स यांचे मनःपूर्वक आभार मानते.