१-११-२०२५ रोजी मी माझी एचबीएवनसी तपासणी करून घेतली. ती ७% होती आणि PP १४७ होते. मी माझे रिपोर्ट डॉक्टरांना दाखवले. त्यांनी मला मेटफॉर्मिन घेण्याचा सल्ला दिला. औषध घेण्याऐवजी मी दोन वेळा जेवणाच्या पद्धतीसह डॉ. दीक्षित जीवनशैली सुरू केली.
माझे पहिले जेवण सकाळी ९.०० वाजता असते (५ बदाम + २ अक्रोड, १ काकडी, मोड आलेली कडधान्ये / २ अंडी, भाजी + पोळी / भात, दूध). दुसरे जेवण दुपारी २ वाजता असते (५ बदाम + २ अक्रोड, १ काकडी, मोड आलेली कडधान्ये / २ अंडी, भाजी + पोळी / भात, १५० ग्रॅम दही). ही पद्धत माझे समन्वयक प्रशांत गाडगीळ यांच्या मार्गदर्शनानुसार सुरू केली.
डॉ. दीक्षित जीवनशैली सुरू केल्यानंतर ४० दिवसांत माझे वजन ५ किलोने कमी झाले आणि आता BMI नुसार माझे आदर्श वजन ७० किलो झाले आहे. माझ्या कंबरेचा घेरही १० सेमीने कमी झाला आहे. मला आता हलके आणि अधिक ऊर्जावान वाटत आहे.