मी डॉ दीक्षित जीवनशैली बद्दल मी साधारण २०२० पासून ऐकून होतो. परंतु त्यावेळेस मला मधुमेहासंबंधी काही फारशी समस्या नव्हती. एप्रिल २०२१ मध्ये मला कोविड झाला. त्यानंतर मी माझी रक्तशर्करा तपासणी केली असता ती थोडी जास्त आढळून आली. पुढे मी पतंजलीच्या डॉक्टरांच्या सल्ल्याने आयुर्वेदिक औषधे घेण्यास सुरुवात केली. दरम्यान रक्तशर्करा नॉर्मल होउ लागली. दोन वर्षे मी पतंजलीची औषधे घेतली परंतु माझे एचबीएवनसी ६.८ ते ७.०% च्या आसपास राहत असे.
२२ डिसेंबर २०२५ रोजी माझा स्कूटर अपघात झाला. दरम्यान माझा रक्तदाब खूप वाढला. 2D Echo Test केली व रिपोर्ट पाहून डॉक्टरांनी अँजियोग्राफी करण्याचा सल्ला दिला. म्हणून डोक्टरांनी मला एचबीएवनसी तपासणीसाठी सांगितले. माझे एचबीएवनसी ७% असल्यामुळे त्यांनी मला Tab Metformin 500 mg ची गोळी सुरू केली. दरम्यान मी यूट्यूब वरील डॉ. दीक्षित सरांचे नाशिक येथील भाषण ऐकले, त्यात त्यांनी संपर्कासाठी श्री. नंदन देशपांडे यांचा मोबाईल नंबर सांगितला होता. मी नंदन देशपांडे यांच्याशी संपर्क केला असता त्यांनी मला लॉ कॉलेज रोडवरील केंद्राची माहिती दिली. मी दुसऱ्याच दिवशी ९ जून २०२६ रोजी आपल्या केंद्राला भेट दिली. तेथे मला श्री. विश्वास जोशी सर व सौ. मेघना मॅडम यांनी आहाराविषयी माहिती दिली. मी १० जून २०२६ पासून डॉ. दीक्षित जीवनशैली अंगीकारली.