जोशी सरांनी सांगितल्याप्रमाणे मी दुसऱ्या दिवसापासूनच संपूर्ण डाएट प्लॅन सुरू केले. ४५ मिनिटात ४.५ किमी चालणे, दिवसातून कडक भुकेची वेळ समजून दोन वेळा क्रमशः ( सर्वात अगोदर ४ भिजवलेले बदाम व ४आक्रोड) किंवा अर्धा मूठ शेंगदाणे नंतर एक काकडी व एक टोमॅटो सॅलड आणि त्यानंतर मोड आलेली कडधान्ये (मूग,मटकी, हरभरे) व त्यानंतर घरी बनविलेले जेवण, दोन जेवणाच्या मध्ये पाणी व पातळ ताक घेऊ लागलो. साखर व गोड पदार्थ पूर्ण वर्ज केले. सुरुवातीला खूप कठीण व सवय नसल्याने काहीतरी खायची इच्छा व्हायची परंतु ते सर्व टाळले.
त्याचा परिणाम म्हणजे फक्त दोन महिन्यात म्हणजे १० ऑक्टोबर २०२५ रोजी मी मधुमेह मुक्त झालो. माझे एचबीएवनसी ५.६% व उपाशीपोटी इन्सुलिन ४.८७ , वजन ६१.३५ किलो, कंबरेचा घेर ९४ सेमी व हिप घेर 93९३ सेमी झाला. त्यानंतर मी अगदी नियमितपणे डाएट पालन करीत आहे व भविष्यातही असाच चालू ठेवणार व इतरांनाही मार्गदर्शन करणार आहे.दिनांक १० नोव्हेंबर २०२५ माझे वजन ६०.१० किलो, कंबरेचा घेर ९० सेमी झाला. डॉ दीक्षित सरांनी माझे विशेष अभिनंदन करून पुढील निरोगी वाटचालीच्या शुभेच्छा दिल्या व एक T shirt व पुस्तक देऊन सत्कार केला.

डॉ दीक्षित जीवनशैली मुळे माझ्या जीवनात आमूलाग्र बदल झाला. पूर्वी मला ऍसिडिटीचा व अपचनाचा खूप त्रास होता.तो पूर्णपणे नाहीसा झाला. शरीर हलके वाटू लागले आहे व झोपही खूप शांत लागते.माझी स्मरणशक्तीही वाढली असुन मन प्रसन्न वाटते. चालताना थोडीशी धाप लागत असे पण आता मी सलग तासभर चालू शकतो.
या सर्व डाएट पालन करत असताना सेंटरमधील सहकारी व डॉ दीक्षित सरांचे खूप मदत झाली. यामध्ये माझ्या पत्नीचेही खूप सहकार्य मिळाले म्हणूनच मला शक्य झाले. सर्वांचे मनःपूर्वक आभार.

(मराठी पुनर्लेखन: डॉ रत्नाकर गोरे)