चॅलेंजच्या पहिल्याच महिन्यात माझे वजन ८५.३० कि.ग्रॅ. पर्यंत कमी झाले. या संपूर्ण प्रवासात मी जवळपास ८० दिवस दररोज ६ कि.मी. चालणे अथवा सायकलिंग केले. हे सातत्य माझ्यासाठी अत्यंत महत्त्वाचे ठरले.

यासोबतच, जेवण सुंदर पद्धतीने सजवण्याचा मला विशेष आनंद मिळाला. कीर्ती लांडे मॅडम यांनी पाठवलेल्या जेवणाच्या थाळीच्या छायाचित्रामुळे मला खूप प्रेरणा मिळाली आणि ही सवय अधिक उत्साहाने जोपासता आली.
माझे मित्र ध्रुव साळवी, विरेन रासने आणि माझे सासरे रविकांत गोसावी (वय ७१ वर्षे) यांच्यासोबत चालण्यामुळे मला सातत्याने प्रेरणा मिळत राहिली.
आज माझे वजन ८२.६ कि.ग्रॅ. आहे आणि या प्रवासात मी एकूण जवळपास ८ कि.ग्रॅ. वजन कमी केले आहे. पुढील लक्ष्य ७० कि.ग्रॅ. गाठण्याचे असून, ही जीवनशैली पुढेही कायम ठेवण्याचा माझा दृढ निर्धार आहे.
ही पद्धत कठोर नसल्यामुळे ती दीर्घकाळ सहजपणे पाळता येते आणि खाण्याचा आनंददेखील कायम राहतो. म्हणूनच मी सर्वांना ही जीवनशैली स्वीकारण्याची मनापासून शिफारस करतो.
डॉ. दीक्षित तसेच गटप्रमुख श्री. डंके सर, श्री. बोडस सर आणि अंजली पाठक मॅडम यांचे मार्गदर्शनाबद्दल मनःपूर्वक आभार.

तसेच, माझे मित्र ध्रुव साळवी आणि विरेन रासने यांचे या प्रवासात दिलेल्या मोलाच्या सहकार्याबद्दल विशेष धन्यवाद.

(मराठी संकलन: डॉ. रूपाली अतुल बोंद्रे)