मला आषाढी एकादशीच्या दिवशी चक्कर आली त्यामुळे मी डॉक्टरांकडे गेलो. त्यांनी सांगितले की तुमची शुगर वाढली आहे . त्याआधी मला कसलाही त्रास नव्हता. नंतर मी माझ्या मुलीकडे पुण्याला गेलो. तिथे टीव्हीवर *डॉ दीक्षित* सरांचे व्याख्यान पाहिले. नंतर त्यांची युट्यूब वरील सर्व व्याख्याने ऐकली. दररोज फिरायला जाताना त्यांचे व्याख्यान ऐकत असे. त्यातूनच मला दीपक कुलकर्णी सरांचा नंबर मिळाला. त्यावेळी माझे एचबीएवनसी ६.४% होते. मी माझे रिपोर्ट कुलकर्णी सरांकडे पाठवले. त्यांनी मला समुहात प्रविष्ट करून घेतले. मी लगेचच डाएट प्लॅन सुरू केला परंतु कोरोना मुळे २ वर्ष रक्तशर्करा चेक केली नाही. ५/१०/२१ रोजी एचबीएवनसी चेक केली ती १०.७% झाली अर्थात मी गंभीर मधुमेही झालो होतो तयामुळे कुलकर्णी सरांनी त्यांनी मला डॉ. रत्ना आष्टेकर मॅडम चा नंबर दिला .
डॉ. रत्ना आष्टेकर मॅडम ने सर्व डाएट प्लॅन व किती खावे, काय खावे हे समजावून सांगितले. त्यांनी सांगितल्याप्रमाणे मी सर्व डाएटचे काटेकोर पणे पालन केले. मी एक ग्लुकोमिटर सुद्धा खरेदी केले.