माझे नाव प्रीती वेदांत आहे. २०१९ साली माझे वजन वाढत-वाढत ७४ किलो पर्यंत जावून पोहोचले . याची मला थोडी काळजी वाटायला लागली आणि मी स्वतःच *डॉ. दीक्षित जीवनशैली* अंगीकारिली.
१० महिन्यांतच माझे वजन ६८ किलो पर्यंत कमी झाले.
नोव्हेंबर २०२० मध्ये मला अचानक थकवा आणि अशक्तपणा वाटायला लागला. त्यातच निद्रानाशाचा विकार ही बळावला. माझ्या कुटुंबात मधुमेहाचा इतिहास असल्याने मी लगेच एचबीएवनसी आणि उपाशी पोटी इन्सुलिनची चाचणी केली. माझे एचबीएवनसी १३.८ निघाले जे काळजी करण्यासारखे होते.
मग मी माझे चाचणी अहवाल श्री दिनकर दामले यांना पाठवले. त्यांनी मला डॉ. वेदा नलावडे यांना संपर्क करायला सांगितले. डॉ. नलावडे यांनी माझे अहवाल बघून काही इतर चाचण्या करावयास सांगितल्या. पण त्यांचे अहवाल चांगले निघाले.
डॉ. वेदा यांनी माझ्या आहारात काही बदल केला. मी *डॉ. दीक्षित जीवनशैली* चे पालन करणे चालू ठेवले.
माझ्या जेवणाच्या वेळा सकाळी १०.३० आणि संध्याकाळी ७.३० अश्या आहेत. दोन वेळेच्या जेवणव्यतिरिक्त मी फक्त पाणी आणि काळा चहा घेते.